ﮔﻞ ﺗﮏ ﻧﻪ ﺗﯿﺰ اوﻟﺪون ﺧﺰان آي ﻧﻨﻪ              دوﻧﯿﺪي ﮔﺮدش زﻣﺎن آي ﻧﻨﻪ

ﯾﺎﻧﺎم آﻧﺎ ﺑﯿﺮ ﺑﻠﺒﻠﻢ ﭼﻤﻨﺴﯿﺰ  
آﻧﺎﺳﯿﺰ ﻗﯿﺰ ﺑﯿﺮ ﮔﻮن اوﻟﻤﺎز ﻣﺤﻦ ﺳﯿﺰ  
دﻧﯿﺎﻧﯽ ﻧﯿﻠﻮرم ﺑﻮ اﺋﻮده ﺳﻨﺴﯿز

وﺻﻠﺖﮔﻠﻮم اوﻟﺪي ﺧﺰان آي ﻧﻨﻪ                 دوﻧﯿﺪي ﮔﺮدش زﻣﺎن آي ﻧﻨﻪ
 

ﺑﺎﺷﻼدي اﯾﻤﺪﯾﺪن ﺑﺎﺷﯿﻢ ﺑﻼﺳﯽ  
ﮔﻮﻟﻤﺰ ﯾﻮزي ، ﺋﻮﻟﺴﻪ ﻗﯿﺰﯾﻦ آﻧﺎﺳﯽ  
ﺳﻦ ﮐﻪ ﮔﺌﺘﺪون ﮔﺌﺘﺪي اﯾﻮﯾﻦ ﺻﻔﺎﺳﯽ

اﯾﻮ اوﻟﺪي ﭘﻮزﻗﻮن ﮔﻠﺴﺘﺎن آي ﻧﻨﻪ              دوﻧﯿﺪي ﮔﺮدش زﻣﺎن آي ﻧﻨﻪ

 

                                                            گردآوری:مرتضی کیانی
 

ﺑﻮ اﯾﻮده ﺳﺎﯾﻪ ﺑﺎﺷﯿﻤﻪ ﺳﺎﻻردون 
ﻣﺤﻨﺖﮔﻮﻧﻮﻣﺪه ﻗﯿﺪﯾﻤﻪ ﻗﺎﻻردون  
ﻏﻤﮕﯿﻦ اوﻻﻧﺪا ﮔﻮﮔﻠﻮﻣﯽ آﻻردون  

اوﻻر ﯾﻮﺧﯿﺪﯾﻠﺮ ﮔﻤﺎن آي ﻧﻨﻪ                      دوﻧﯿﺪي ﮔﺮدش زﻣﺎن آي ﻧﻨﻪ  

 

اﻫﻞ دل اوﻟﺴﺎ دﻟﺪه ﭼﻮخ ﺳﻮزوم وار  
ﻋﺎﻟﻢ آﻧﺎ اوﻟﺴﺎ ﺳﻨﺪه ﮔﻮزوم وار  
ﻫﺮ ﻗﺪر ﻏﻢ ﯾﺘﺴﻪ ﻣﻨﺪه دوزوم وار  

ﻫﺠﺮاﻧﯿﻮه ﯾﻮﺧﺪور ﺗﻮان آي ﻧﻨﻪ                    دوﻧﯿﺪي ﮔﺮدش زﻣﺎن آي ﻧﻨﻪ
 


ﻫﺮ ﮐﯿﻤﺴﻪ ﻧﻮن ﻗﺒﯿﻠﻪ ﺳﯽ ﯾﺎدي وار  
ﺗﮏ دور آﻧﺎ ﻗﺒﯿﻠﻪ ﻧﻮن آدي وار  
آﻧﺎﻧﻮن ﻋﺎﻟﻤﺪه ﺋﻮزﮔﻪ دادي وار  

آﻧﺎﺳﯿﺰ ﻗﯿﺰ ﮔﻮﻟﺮ ﻫﺎﭼﺎن آي ﻧﻨﻪ                  دوﻧﯿﺪي ﮔﺮدش زﻣﺎن آي ﻧﻨﻪ

 
دﯾﻤﻢ ﮔﻠﻮب ﺑﻮ ﺣﺎﻟﯿﻤﻪ ﯾﺎﻧﯿﺪون  
ﻣﺤﺎل دردﯾﻤﯽ آﺳﺎن ﺳﺎﻧﯿﺪون  
اﷲ ﺑﻮﻟﻮر ﮐﻪ ﺳﻦ ﻧﺠﻪ آﻧﯿﺪون  

ﯾﺎدﯾﻤﺪان ﭼﯿﺨﻤﺎﺳﺎن ﺑﯿﺮ آن آي ﻧﻨﻪ           دوﻧﯿﺪي ﮔﺮدش زﻣﺎن آي ﻧﻨﻪ
 


دﯾﻤﻢ ﮐﯿﻤﺴﻪ ﮔﻠﻮب ﯾﺘﺴﻮن دادﯾﻤﺎ  
ﻣﻦ زﯾﻨﺒﻢ ﻏﻢ ﯾﺎزﯾﻠﻮب آدﯾﻤﺎ  
ﺳﻨﻠﻪ ﮔﯿﭽﻦ ﮔﻮﻧﻠﺮ دوﺷﻮر ﯾﺎدﯾﻤﺎ  

ﺳﺴﻠﯿﻨﺪه دﯾﺮدون ﺟﺎن آي ﻧﻨﻪ              دوﻧﯿﺪي ﮔﺮدش زﻣﺎن آي ﻧﻨﻪ
 


دﯾﻤﻢ ﻗﯿﺰون زﯾﻨﺐ ﻗﺮا ﺑﺨﺘﯿﺪور  
دﯾﻤﻢ رﺧﺘﯿﻢ ﯾﺘﯿﻤﻪ ﻟﯿﻖ رﺧﺘﯿﺪور 
ﻫﺮ ﭼﻨﺪ ﻋﺎﻟﻤﺪه ﺋﻮﻟﻮم ﺳﺨﺘﯿﺪور

آﯾﺮﯾﻠﯿﻖ اﻟﻨﺪن اﻣﺎن آي ﻧﻨﻪ                   دوﻧﯿﺪي ﮔﺮدش زﻣﺎن آي ﻧﻨﻪ

 

ﯾﻮﺧﺪي ﺳﻮزوم ﻋﻤﺮون ﮔﻮﻟﯽ ﺗﯿﺰ ﺳﻮﻟﺪي  
ﺑﻮ ﺑﺎره دن ﻗﻠﺒﯿﻢ ﻏﻤﯿﻠﻪ دوﻟﺪي  
ﻫﺎﻧﺴﯽ آﻧﺎ ﮔﻮر ﻧﺼﻒﺷﺐدﻓﻦ اوﻟﺪي  

اوﻟﺪي ﮐﯿﻤﻮن ﻗﺒﺮي ﻧﻬﺎن آي ﻧﻨﻪ           دوﻧﯿﺪي ﮔﺮدش زﻣﺎن آي ﻧﻨﻪ
 


ﮔﺮﭼﻪ آﻧﺎ ﺳﻨﺴﯿﺰ ﮔﻮﻧﻮم ﻗﺎرادي  
ﺑﻮ ﻏﻤﯿﻠﻦ اورك اﻣﺎ ﯾﺎرادي  
ﺳﻮروﺷﺴﺎﻻر آﻧﺎن ﻗﺒﺮي ﻫﺎرادي  

ﻫﺎﯾﺎﻧﯽ ﻣﻦ وﯾﺮوم ﻧﺸﺎن آي ﻧﻪ             دوﻧﯿﺪي ﮔﺮدش زﻣﺎن آي ﻧﻨﻪ
 
داﺋﻢ ﮔﻠﺮ ﺑﻮي ﺧﺰان ﻗﺎﭘﻮﻧﺪان  
ﺣﺸﺮه ﮐﯿﻤﯽ ﮔﯿﺘﻤﺰ ﻧﺸﺎن ﻗﺎﭘﻮﻧﺪان  
آﻟّﺎم آﻧﺎ ﻋﻄﺮون ﯾﺎﻧﺎن ﻗﺎﭘﻮﻧﺪان  

ﺧﺮاب اوﻟﯿﺪي ﺑﻮ ﺟﻬﺎن آي ﻧﻨﻪ                دوﻧﯿﺪي ﮔﺮدش زﻣﺎن آي ﻧﻨﻪ
 


رﺧﺖﻋﺰا ﺑﻮ ﺟﺴﻤﯿﺪن ﺳﻮﯾﻤﺎرام  
ﻏﻤﻮﻧﺪه ﻣﻦ آﻏﻼﻣﺎﻗﺪان دوﯾﻤﺎرام  
ﺳﻦ ﯾﺨﯿﻼن ﯾﺮه اﯾﺎق ﻗﻮﯾﻤﺎرام  

او ﯾﺮدي ﺣﺮﻣﺘﻠﯽ ﻣﮑﺎن آي ﻧﻨﻪ                دوﻧﯿﺪي ﮔﺮدش زﻣﺎن آي ﻧﻨﻪ
 


ﺑﺎران ﮐﯿﻤﯽ ﻏﻢ اوﺳﺘﻮه ﯾﺎﻏﺎردي  
ﻏﻤﻠﺮ ﺋﻮزي اﺣﻮاﻟﯿﻮه ﯾﺎﻧﺎردي  
درد و ﻣﺼﯿﺒﺘﺪن ﺑﺎﺷﻮن آﻏﺎردي  

ﻏﻤﺪن ﻗﺪون اوﻟﺪي ﮐﻤﺎن آي ﻧﻨﻪ               دوﻧﯿﺪي ﮔﺮدش زﻣﺎن آي ﻧﻨﻪ
 


اﯾﻠﺮ ﻣﻨﯽ اﻓﺴﺮده دل ﻣﻼﻟﻮن  
ﺑﻮﻟّﻢ اﻟﻪ دوﺷﻤﺰ داﺧﯽ وﺻﺎﻟﻮن  
ﮔﻞ ﯾﻮﺧﻮﻣﺎ ﻫﺮ دم ﮔﻮروم ﺟﻤﺎﻟﻮن  

ﻫﺠﺮه دوزﻣﺮم اﯾﻨﺎن آي ﻧﻨﻪ                      دوﻧﯿﺪي ﮔﺮدش زﻣﺎن آي ﻧﻨﻪ
 
ﮔﻠﻠﺮ ﺳﻮﻻر ﮔﻮرﺳﻪ رخ زردﯾﻤﯽ 
ﺑﺎﺗﺎر ﻏﻤﻪ ﮔﻮرن آه ﺳﺮدﯾﻤﯽ  
ﺳﻨﺪن ﺻﻮرا ﮐﯿﻤﻪ دﯾﻮم دردﯾﻤﯽ  

ﮐﯿﻢ اﯾﻠﺮ دردﯾﻤﻪ درﻣﺎن آي ﻧﻨﻪ                  دوﻧﯿﺪي ﮔﺮدش زﻣﺎن آي ﻧﻨﻪ
 


اﯾﻠﺮ اﺛﺮ آﻏﻼر ﮔﻮزوم ﺣﺴﯿﻨﻪ  
ﺧﺪاي ﺣﻖ وﯾﺮر دوزوم ﺣﺴﯿﻨﻪ  
آﻧﺎﻟﯿﻖ اﯾﻠﺮم ﺋﻮزوم ﺣﺴﯿﻨﻪ  

ﻗﺎﻟﻤﺎ ﺣﺴﯿﻨﺪن ﻧﮕﺮان آي ﻧﻨﻪ                       دوﻧﯿﺪي ﮔﺮدش زﻣﺎن آي ﻧﻨﻪ
 


ﮔﺘﻮرﻟّﻪ ﻗﺒﺮ اوﺳﺘﻪ ﮔﻮل ﺑﯿﺮ دﺳﺘﻪ  
ﯾﻮﺧﺪور ﮔﻮﻟﻮم ﻧﯿﻠﯿﻮم ﻣﻦ دﻟﺨﺴﺘﻪ  
ﺷﺐ ﺟﻤﻌﻪ ﮔﻠﻨﺪه ﻗﺒﺮون اوﺳﺘﻪ  
دﻟﺪه ﮔﺘﻮرم ﻏﻨﭽﻪ ﻗﺎن آي ﻧﻨﻪ                     دوﻧﯿﺪي ﮔﺮدش زﻣﺎن آي ﻧﻨﻪ
 
دﯾﻦ اوﺳﺘﻪ ﻫﺮ رﻧﮓ و ﻏﻤﻪ ﺑﻮﯾﺎﻧﺎم  
ﮔﻞ ﺗﮏ ﺟﻬﺎﻧﺪا ﺧﺎره داﻟﺪاﻻﻧﺎم  
ﺑﺶ ﮔﻮن آﻧﺎ ﯾﺎﻣﺎن درده داﯾﺎﻧﺎم 

ﮔﯿﭽﻮب ﮔﯿﺪر ﯾﺎﺧﺸﯽ ﯾﺎﻣﺎن آي ﻧﻨﻪ              دوﻧﯿﺪي ﮔﺮدش زﻣﺎن آي ﻧﻨﻪ
 


ﺳﻦ ﮐﯿﻤﯽ ﺑﯿﺮ ﻣﻈﻠﻮم ﺋﻮﻟﻦ اوﻟﻤﺎدي  
ﻧﻪ دردﯾﻠﻦ ﺋﻮﻟﺪون ﺑﻮﻟﻦ اوﻟﻤﺎدي  
دوﺗﺪوم ﻋﺰا ﯾﺎﺳﻪ ﮔﻠﻦ اوﻟﻤﺎدي  

ﺑﻮ ﻏﻢ اﺋﺘﺪي ﺑﺎﻏﺮﯾﻤﯽ ﻗﺎن آي ﻧﻨﻪ                دوﻧﯿﺪي ﮔﺮدش زﻣﺎن آي ﻧﻨﻪ
 


ﺳﻨﯿﺪون ﻋﺎﻟﻤﯿﻦ آﻧﺎ ﻃﺒﯿﺒﯽ  
اي ﺧﻮش ﮔﻮﻧﻮن ﻋﺎﻟﻤﺪه ﺑﯽ ﻧﺼﯿﺒﯽ  
اوﻟﺪون وﻃﻨﻮﻧﺪه وﻃﻦ ﻏﺮﯾﺒﯽ  

ﺣﺎﻟﯿﻮه اوﻟﻤﺎدي ﯾﺎﻧﺎن آي ﻧﻨﻪ                     دوﻧﯿﺪي ﮔﺮدش زﻣﺎن آي ﻧﻨﻪ
 


ﺟﺎن وﯾﺮﯾﻨﺠﻪ آﺧﺪي ﯾﻮزه ﮔﻮزﯾﺎﺷﻮن  
او ﻗﺪري ﻏﻢ ﭼﮑﺪون آﻏﺎردي ﺑﺎﺷﻮن  
ﮐﯿﻢ آﻏﻼﺳﻮن ﻧﻪ ﺑﺎﺟﻮن ﻧﻪ ﻗﺎرداﺷﻮن  
ﺋﻮزوم اوﻟّﺎم ﺳﻨﻪ ﮔﺮﯾﺎن آي ﻧﻨﻪ                 دوﻧﯿﺪي ﮔﺮدش زﻣﺎن آي ﻧﻨﻪ
 
ﺳﻨﮑﻪ ﮔﯿﺘﺪون ﺳﯿﻨﺪي ﺑﻮ ﻗﻮل ﺑﻮداﻗﯿﻢ  
ﮐﻮي وﺻﻠﻪ ﭼﺎﺗﻤﺎز ﺑﯿﺮده اﯾﺎﻗﯿﻢ  
ﺑﯿﺮ ﮔﯿﺠﻪ ﮔﻞ ﯾﻮﺧﻮﻣﺪا اول ﻗﻮﻧﺎﻗﯿﻢ  

ﮔﻮروم ﮔﯿﺖدﯾﻤﻮرم داﯾﺎن آي ﻧﻨﻪ                دوﻧﯿﺪي ﮔﺮدش زﻣﺎن آي ﻧﻨﻪ
 


ﯾﺎز اﻋﻈﻤﯽ وﺛﺎﻗﯿﺪن ﯾﺎد اوﻟﺴﻮن  
ﺑﯿﺰ ﮐﻪ ﺋﻮﻟﺪوق آدﯾﻤﯿﺰدان ﯾﺎد اوﻟﺴﻮن  
اوﺧﯿﯿﺎﻧﻼر دﺋﺴﻮن روﺣﻮن ﺷﺎد اوﻟﺴﻮن 

ﺑﻬﺎر ﻋﻤﺮون اوﻟﺪي ﺧﺰان آي  ﻧﻨﻪ                دوﻧﯿﺪي ﮔﺮدش زﻣﺎن آي ﻧﻨﻪ